निको खबर 
बैतडी– बैतडीकाे झाेकालीका युवाहहरुलाई छाला प्रसाेधन सम्बन्धि सीप विकास तालिम दिइएकाे छ ।
जिल्लाकाे दशरथचन्द नगरपालिकाकाे पहल तथा उद्योग वाणिाज्य तथा आपूर्ति मन्त्रलायकाे आर्थिक सहयाेगमा वडा नं १ काे झाेकालीका युवाहरुलाई तालिम दिइएकाे हाे ।
छाला प्रसाेधन सम्बन्धि ५२ दिने तालिममा १५ जना युवाकाे सहभागिता रहेकाे थियाे । युवाहरुले तालिममा छाला प्रसाेधन गरेर जुत्ता बनाउन सिकेका छन्।
तालिम पाउँदा युवाहरु पनि खुसी भएका छन् । तालिम मार्फत आफुले जुत्ता बनाउने सीप सिकेकाे झाेकालीका युवा हरिश भुलले बताए ।
परम्परागत रुपमा सञ्चालन गर्दै आएकाे झाेकालीका नागरिकहरुकाे पेसालाई आधुनिकता दिनका लागि छाला प्रसाेधन सम्बन्धि तालिम दिइएकाे नगर प्रमुख पुष्कर राज जाेशी लख्खाभाईले बताए ।
युवाहरुलाई सीप सिकाएर स्वदेशमै गरिखाने वातावरण सिर्जना गर्न तालिमकाे पहल गरिएकाे उनले बताए ।
अहिले झाेकालीमा सीप विकासका लागि तालिम केन्द्र स्थापना गरिएकाे छ भने कच्चापदार्थ निर्माणका लागि नजिकैकाे मैडीगाड खाेलामा खाड र ट्रस निर्माण गरिएकाे छ ।
साे ठाउँमा छाला भिजाएर कच्चापदार्थ निर्माण गर्न खाड निर्माण गरिएकाे दशरथचन्द नगरपालिकाका राेजगार शाखा संयाेजक नन्द राज जाेशीले बताए ।
नगर प्रमुख लख्खाभाइले चुनावका बेला झाेकाली बस्तिका विपन्न समुदायका युवाहरुलाई सीपसिकाएर आत्मनिर्भर बनाउन पहल गर्ने बाचा बाेलेका थिए ।
अहिले साे वाचा पूरा गरेपछि झाेकाली बस्तीका नागरिक हर्षित भएका छन् । नगरपालिकाले दलितलक्षित कार्यक्रम सञ्चालन गरी लोप हुन लागेको परम्परागत पेसालाई संरक्षण गर्ने र त्यसलाई आयआर्जनको बाटोमा पुर्याउने लक्ष्य लिएको नगर प्रमुख लख्खाभाईले बताए ।
उद्योग मन्त्रालय र हाम्राे पहलमा झाेकालीमा जुत्ता बनाउनका लागि छाला प्रसाेधन सम्बन्धि सीप विकास तालिम दिइएकाे र केही दिनमै व्यवसायलाई अगाडि बढाउन अन्य उपकरण प्रदान गरिने उनले बताए ।
यसबाट युवाहरु आत्मनिर्भर बन्ने नगरपालिकाले अपेक्षा गरेकाे छ । शुक्रबार एक कार्यक्रमकाे आयाेजना गरेर तालिम केन्द्रकाे उद्घाटन,तालिममा सहभागिलाई प्रमाण पत्र र बनेका संरचनाहरुकाे निरीक्षण तथा अनुगमन गरिएकाे नगरपालिकाका राेजगार सहायक दिनेश राज भट्टले बताए ।
कार्यक्रममा नगर प्रमुख लख्खाभाई, प्रमुख प्रशासकीय अधिकृत नविनचन्द्र पाण्डेय, नगर प्रवक्ता अजव बहादुर पाण्डे, वडा नं १ का कार्यबाहक वडा अध्यक्ष करन सिंह भाट, वडा नं२ का अध्यक्ष सुर्यबहादुर बाेहरा,वडा नं ४का अध्यक्ष भानदेव भट्ट लगायतका अन्य जनप्रतिनिधि र कर्मचारीहरुकाे सहभागिता रहेकाे थियाे ।
प्रतिक्रिया दिनुहोस्