निको खबर 
बैतडी-बैतडीकाे केदार आधारभूत विद्यालय नाेडा लेककाे नयाँ व्यवस्थापन समिति गठन गरिएकाे छ।
जिल्लाकाे सुर्नया गाउँपालिका वडा नं -४ स्थित श्री केदार आधारभूत विद्यालय नाेडा लेककाे साेमवार नयाँ व्यवस्थापन समिति गठन गरिएकाे हाे ।
निवर्तमान विद्यालय व्यवस्थापन समिति अध्यक्ष बिरेन्द्र महराकाे कार्यकाल समाप्त भएपछि वडा नं ४ का अध्यक्ष एवं गाउँपालिका प्रवक्ता प्रताप महराकाे उपस्थितिमा नयाँ समिति गठन गरिएकाे विद्यालयका प्रधानाध्यापक जानकी महरा (साउद)ले बताउनुभयाे ।
उनका अनुसार नयाँ विद्यालय व्यवस्थापन समिति अध्यक्षमा डम्बरसिंह महरा चयन भएका छन् ।
अभिभावककाे भेलाले महराकाे अध्यक्षतामा ९ सदस्यीय समिति सर्वसम्मत गठन गरेकाे हाे । यस्तै सदस्यहरुमा केशब दत्त भट्ट,उमापती महरा,लक्ष्मी भट्ट,नन्दा महरा र धाना महरा चयन भएका छन् ।
विद्यालय व्यवस्थापन समिति अध्यक्षमा चयन भएका महराले विद्यालयको सर्वाङ्गिण विकासका लागि पहल गर्ने बताउनु भएकाे छ ।
कक्षा ५ सम्म पढाइ हुने विद्यालयमा गत वर्ष गाउँपालिकाले कक्षा घटाएपछि सेवा क्षेत्र भित्रका बालबालिकाहरुलाई समस्या भएकाे प्रधानाध्यापक महारले बताउनुभयाे ।
५ सम्म पढाइ हुने विद्यालय समायाेजन कार्यविधि अनुसार पालिकाले ३ मा झारेकाे थियाे । कक्षा घटाएपछि भौगोलिक बनावटले यहाँका बालबालिकाहरुलाई अहिले निकै समस्या भएकाे विद्यालय व्यवस्थापन समिति सदस्य केशबदत्त भट्टले बताए ।
बालबालिकालाई अप्ठ्यारो भएकाले पालिकाले पुर्नविचार गर्नु पर्ने उनले बताए । नयाँ शैक्षिकसत्रबाट पुनः कक्षा ५ सम्म पढाइ सुचारू गर्नका लागि पहल गरिने उनले बताए ।
उनका अनुसार विद्यालयमा भाैतिक विकासका साथै शैक्षिक विकासको खाँचो छ । विद्यालयमा शौचालय भएपनि पानीको समस्याले सञ्चालनमा आउन नसकेकाे उनले बताए ।
यस्तै कृष्ण सिंह महराकाे अध्यक्षतामा ११ सदस्यीय शिक्षक अभिभावक संघ समिति समेत गठन गरिएकाे विद्यालय व्यवस्थापन समिति अध्यक्ष डम्बर सिंह महराले बताउनुभयाे ।
प्रतिक्रिया दिनुहोस्