डीआर भट्ट 
बैतडी– बैतडीमा एक घर भत्किएको छ ।
लगातारको वर्षाले जिल्लाकाे सुर्नया गाउँपालिका वडा नं ३ तडीगाउँ गैर बस्ने धर्मे भट्टकाे दुईतले ढुङ्गाकाे कच्ची घर भत्किएको हो ।
अविरल वर्षाका कारण शुक्रबार विहान भित्र पानी पसेर पूर्णरूपमा घर भत्किएकाे अस्थाई प्रहरी पाेष्ट सतबाँझका इन्चार्ज अम्बादत्त जाेशीले जानकारी दिए ।
घर भत्किएको समयमा भित्र कोही नरहेकाले मानवीय क्षति नभएकाे उनले बताए ।
ठूलो पानी परेर भित्ताहरुमा क्षति पुगेपछि घरनै पूर्णरुपमा भत्किएकाे छ ।
घर भत्किएपछि भट्ट परिवार अहिले आफन्तकाे घरमा बसेकाे प्रहरी इन्चार्ज जाेशीले बताए ।
घर भत्किएपछि आफुहरुलाई बसाेबासका लागि समस्या भएकाे घरधनी भट्टले बताए ।
प्रतिक्रिया दिनुहोस्