निको खबर 
बैतडी– बैतडी घर भएका गायक भट्टकाे शब्द सिर्जनामा रहेकाे गीत सार्वजनिक भएकाे छ ।
जिल्लाकाे सुर्नया गाउँपालिका वडा नं -३ तडीगाउँ टुपादाेकान घर भई हाल राेजगारीकाे सिलसिलामा युराेपमा रहेका गायक बिपी भट्टकाे पीडा पाेख्दै छु नामक लाेकदाेहाेरी गीत सार्वजनिक भएकाे हाे ।
सानै देखि गीत संगीतका पारखि भट्टकाे शब्द सिर्जनामा रहेकाे गीतमा गायिका सुनिता बुढा क्षेत्री र रुपेश न्याैपानेकाे आवाज रहेकाे छ ।
कलाकार सन्ताेश शर्माकाे युटुव च्यानबाट शनिवार गीत सार्वजनिक भएकाे हाे । माला श्री स्टुडियोमा रेकर्डिङ गरिएकाे याे गीतकाे एरेन्ज बिनाेद बाजुरालीले गरेका छन भने गीतकाे मिक्सिङ खडक बाजुरालीले गरेका हुन् ।
भिडियो सहित बजारमा आएकाे गीतमा रिना गुरुङ , सन्ताेश शर्मा र खगेन्द्र गीरिले अभिनय गरेका छन् ।
भिडियोकाे छायांकन र निर्देशन भने सिर्जन बराल ऋषिले गरेका छन् । गीतसंगीतमा रुचि राख्ने गायक भट्टले यश अघि पनि ४ ओेटा सांगीतिक काेशेली बजारमा पस्केका थिए ।
गायक भट्टले आफ्नै शब्द सिर्जना र स्वरमा २०७० सालमा बजारमा ल्याएका तिम्राे छाेरा दुख पाउँदै छ , तिमिलाई दिम्ला बैसकाे इन्टरभ्यु, म त तिमिलाई माया गर्छु,फाेन आयाे माेबाइलमा गीत पनि लाेकप्रिय छन् ।
यी गीतमा चर्चित गायिका टिका पुन र सीता केसीले गायक भट्टलाई स्वरमा साथ दिएकी छिन् ।
एक दशक पछि पुन गीतसंगीत क्षेत्रमा पुनरागमन गरेका भट्टले अब निरन्तर गीत बजारमा ल्याउने बताएका छन् ।
विदेशि भूमिमा रहेर पनि नेपाली गीतसंगितकाे संरक्षण र सम्बर्द्धनमा लागि परेका भट्टले सबैबाट मायाकाे अपेक्षा गरेकाे बताएका छन् ।
प्रतिक्रिया दिनुहोस्