निको खबर 
बैतडी – बैतडीको सुर्नया गाउँपालिका–४ कौलाडीकी घरवारविहीन २६ वर्षीया जानकी महरालाई २ लाख २५ हजार रुपैयाँ आर्थिक सहयोग हस्तान्तरण गरिएको छ ।
पत्रकार सुरेश महराको पहलमा विभिन्न व्यक्तिहरूबाट संकलित रकम मंगलबार हस्तान्तरण गरिएको हो ।
संकलित सबै रकम जानकीलाई हस्तान्तरण गरिएकाे उनले बताए ।
जानकीका श्रीमान् नरेश महराको गत मंसिर १८ गते मिनीट्रक दुर्घटनामा परी निधन भएको थियो । श्रीमान्को निधनपछि घर नहुँदा जानकीले अर्कैको घरमा बसेर किरिया गरेकी थिइन् ।
यसैबीच काठमाडौँस्थित किरण नमस्ते नेपाल संस्थाले जानकीका तीन सन्तानको शिक्षाको व्यवस्था गरेको छ ।
जानकी बालबच्चासहित काठमाडौँ जाने तयारीमा छिन् ।
सहयोग गर्न चाहनेले जानकी महराको नाममा बैतडीस्थित ग्लोबल आईएमई बैंकको खाता नम्बर ३८७०७०१००१४८१८ मा सहयोग गर्न सक्नेछन् ।
प्रतिक्रिया दिनुहोस्