निको खबर 
बैतडी– बैतडीमा ईभी हाइस दुर्घटना हुँदा घाइते भऐका चालकको मृत्यु भएकाे छ।
जिल्लाकाे दाेगडाकेदार गाउँपालिका-३ खोचलेकबाट कालागाउँतर्फ जादैगरेको सुप प्र ०२ ००१ ज ०६२४ नम्बरकाे ईभी हाइस सिल्लेगडा-बडिया सडकखण्डकाे घाेडेधारनजिक शनिबार राति साढे ९ बजे दुर्घटनामा परेकाे थियाे ।
हाइस दुर्घटनामा चालक दाेगडाकेदार-५ का मदन ठगुन्ना घाइते भएका थिए । उनकाे उपचारका क्रममा मृत्यु भएको जिल्ला प्रहरी कार्यालय बैतडीका प्रबक्ता, प्रहरी निरीक्षक बलदेव बडूले जानकारी दिनुभयो ।
दुर्घटनामा परी गम्भीर घाइते भएका चालक ठगुन्नाको उपचारका क्रममा डडेल्धुरा अस्पतालमा मृत्यु भएको उनले बताए ।
हाइसमा चालक मात्रै सवार रहेका थिए ।
दुर्घटनाग्रस्त हाइस सडकबाट २५० मिटर तल खसेकाे छ।
घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ।
प्रतिक्रिया दिनुहोस्