निको खबर 
बैतडी -बैतडीको बासुदेव माविले शोक बिदा दिएको छ ।
जिल्लाको सुर्नया गाउँपालिका वडा नं २ लिस्किटामा रहेको बासुदेव माविले कक्षा ५ मा पढ्ने विद्यार्थीको निधन भएपछि सोमबार शोक बिदा दिएको हो ।
विद्यालयले शाेक वक्तव्य जारी गर्दै २४ गते साेमवार विदा दिएकाे जनाएकाे छ । बासुदेव माविमा अध्यायनरत विद्यार्थी लक्ष्मण सिंह ऐरीकाे दुखद निधन भएपछि शोक मनाउन एक दिन बिदा गरिएको विद्यालयका लेखापाल वीर बहादुर पाण्डेले जानकारी दिए ।
लक्ष्मणकाे अकल्पनिय निधनले दुखि तुल्याएको उनले बताए । कक्षा ५ मा अध्यायनरत लक्ष्मण शनिवार आफ्नै घर भित्र मृत फेला परेका थिए ।
कलिलै उमेरमा लक्ष्मणकाे निधन भएपछि शिक्षक, घरपरिवार, आफन्त,साथिसंगि सबै शोकमग्न भएका छन् ।
प्रतिक्रिया दिनुहोस्