डीआर भट्ट 
बैतडी-वर्षाे देखि अलपत्र बैतडीकाे पाटन बसपार्कमा स्थानीयले राेपाइँ गरेका छन् ।
आइतबार राष्ट्रिय धान दिवसका दिन स्थानीयले हलगाेरू जाेतेर बसपार्कमा राेपाइँ गरेर धान राेपेका हुन् ।
१० बर्ष सम्म पनि बसपार्ककाे निर्माण कार्यले पूर्णता नपाएपछि स्थानीयहरुले सम्बन्धि निकायकाे ध्यानाकर्षण गराउन धान राेपेर विराेध गरेका पत्रकार बसन्त बिष्टले बताए ।
पटकपटक सरकारलाई बसपार्क निर्माण सम्पन्न गर्नका लागि आग्रह गर्दासमेत नसुनेपछि फेरि शान्तिपूर्ण रुपले बिराेध गरेर दबाव दिन राेपाँई गरिएकाे पाटन बजार व्यवस्थापन समिति अध्यक्ष खेमराज भट्टले बताए ।
आर्थिक वर्ष २०७१/७२मा निर्माण सुरु गरिएकाे बसपार्क अहिलेसम्म निर्माण सम्पन्न हुन सकेकाे छैन।
सवारीसाधनको चापलाई ध्यानमा राखेर बसपार्क निर्माणको काम अघि बढाइए पनि निर्माणको काम सम्पन्न नहुँदा स्थानीय आक्राेसित छन् ।
पाटनमा आठवटा बस र चारवटा जीप एकैपटक पार्किङ गर्नसक्ने क्षमताको बसपार्क निर्माणको काम अलपत्र पर्दा समस्या छ ।
बससपार्क निर्माण सम्पन्न नहुँदा सवारीसाधन बजारमै पार्किङ हुन्छन । पाटन नयाँ सहर आयोजनाअन्तर्गत बसपार्क निर्माण भइरहेको भए पनि निर्माण सुरु भएको दश वर्ष बितिसक्दासमेत निर्माणको काम सम्पन्न हुन सकेको छैन ।
पाटन नयाँ सहरमा व्यवस्थित बसपार्कको अवधारणाअन्तर्गत बसपार्क निर्माणको काम सुरु भए पनि विभिन्न कारणले अझै पनि निर्माण हुन नसकेको छैन् ।
याे बसपार्क बैतडीबाट निर्वाचित नेपाल सरकारका उद्योग मन्त्री दामोदर भण्डारीकाे गृह पालिकामा पर्छ ।
बसपार्क समयमै नबन्दा समस्या भएकाे भन्दै व्यापारी र स्थानीय नागरिकहरुले अविलम्ब काम अगाडि बढाएर निर्माण सम्पन्न हुनु पर्ने माग राखेका छन् ।
प्रतिक्रिया दिनुहोस्