निको खबर 
बैतडी– बैतडीकाे राैलाकेदार बहुमुखी क्याम्पसमा भर्ना खुलेकाे छ ।
जिल्लाकाे सुर्नया गाउँपालिका वडा नं ५ मा रहेकाे त्रिभुवन विश्व विद्यालबाट सम्बन्ध प्राप्त क्याम्पसले नयाँ भर्ना खुला गरेको हाे ।
गत वर्षबाट पुन: सञ्चालनमा आएकाे क्याम्पसले आइतबारदेखि बिए प्रथम वर्ष मानविकी तथा समाजशास्त्रमा भर्ना खाेलेकाे क्याम्पस प्रमुख भरत मडैले जानकारी दिनुभयाे ।
नेपाली, समाजशास्त्र र ग्रामीणविकास पढ्न इच्छुक विद्यार्थीहरूले साउन २५ गते देखि भर्ना हुन सक्ने बताइएकाे छ ।
कक्षा सञ्चालन कार्तिक १४ गतेदेखि सञ्चालन हुने क्याम्पस प्रमुख मडैले बताए । २०७० सालमा स्थापना भएकाे राैलाकेदार बहुमुखी क्याम्पसमा विद्यार्थी अभावमा एक दशक बन्द रहेकाे थियाे ।
समुदायका बुद्धिजीवी, शिक्षा प्रेमि र सञ्चालक समितिकाे सक्रियताले क्याम्पस पुन:सञ्चालनमा आएपछि अहिले विद्यार्थी समेत बढ्दै गएका बताइएकाे छ।
राैलाकेदार बहुमुखी क्याम्पस पुनः सञ्चालनमा आए पछि उच्च शिक्षा हासिल गर्ने विद्यार्थी बढ्दै गएका क्याम्पस सञ्चालक समिति अध्यक्ष नरेन्द्र विष्टले बताए ।
क्याम्पस घर पाइकमा नभएर उच्च शिक्षा आर्जन गर्नबाट बञ्चित विद्यार्थीकाे राेजाइमा राैलाकेदार बहुमुखी क्याम्पस परेकाे छ ।
राैलाकेदार बहुमुखी क्याम्पस सञ्चालन आएपछि घरपाइकमै उच्च शिक्षा पढ्न सजिलाे भएकाे विद्यार्थीहरुले बताएका छन् ।
प्रतिक्रिया दिनुहोस्