निको खबर 
बैतडी– बैतडी आरतीकाे कलिलो उमेरमा निधन भएकाे छ ।
जिल्लाकाे डिलाशैनी गाउँपालिका वडा नं -४ जोखल्लीका सुरेन्द्र बहादुर रोकायाकी १३ वर्षीया छोरी आरतीको झाडापखालाका कारण निधन भएकाे हाे ।
३ दिन पहिले नै झाडापखाला लागेर बिरामी परेकी आरतीकाे सोमबार बिहान करिब ५ बजेको समयमा घरमै निधन भएकाे स्थानीय भरत नेगीले जानकारी दिए ।
झाडापखाला लागेर बिरामी परेकी उनलाई समयमै स्वास्थ्यचाैकी नलैजादा अकल्पनीय निधन भएकाे नेगीले बताए ।
वडाकै हाँडाकाेट स्वास्थ्य चौकीका इन्चार्ज बिरेन्द्र बोहराका अनुसार खानपानका कारण फूड पोइजन भएको र लगातार झाडापखाला तथा बान्ताका कारण उनको निधन भएको हाे।
यस विषयमा जाँचबुझको लागि स्वास्थ्य संस्थाको टोली मृतक आरतीको घरतर्फ गइरहेको छ ।
घरका एक थप सदस्यलाई पनि यस्तै लक्षण देखिएको जानकारी पाएको स्वास्थ्य चौकी इन्चार्ज बोहराले बताए ।
महेश्वरी मावि न्वाघरमा कक्षा ८ मा अध्ययनरत आरतीको निधन भएपछि अहिले जोखल्ली गाउँ शोकमा डुबेको छ ।
प्रतिक्रिया दिनुहोस्